خلينا نكون صرحاء مع بعض شوية يصحبي أول ما تسمع اللغة الصينية، غالبًا أول حاجة تيجي في بالك هي دي لغة صعبة حروف غريبة، ونُطق معقّد،وده كان تفكيري فعلًا قبل ما أبدأ أتعلمها.
بس الحقيقة إن الموضوع اختلف تمامًا لما اكتشفت إن في تطبيقات لتعلم اللغة الصينية على جوجل بلاي مصممة تخليك تتعلم خطوة بخطوة، من غير ضغط ولا ملل.
في المقال ده هشاركك أفضل تطبيقات تعلم الصينية للأندرويد للمبتدئين، ومش هقولك مجرد أسماء، لكن تجربة واستخدام حقيقي، عشان لو مبتدئ يخويا تبدأ وانت مطمّن.
ليه ناس كتير بقت مهتمة بتعلم اللغة الصينية؟
في الاول لازم تعرف يصحبي إن الاهتمام باللغة الصينية مش صدفة، وفي أسباب واضحة زي إن:
- الصين بقت لاعب أساسي في الاقتصاد العالم.
- فرص العمل المرتبطة بالصين في زيادة.
- اللغة الصينية مطلوبة في التجارة والاستيراد.
- تعلم لغة جديدة بيوسّع طريقة تفكيرك.
- وجود تطبيقات مجانية خلت التعلم أسهل من أي وقت.
علشان كده، البحث عن تطبيق تعلم اللغة الصينية بقى من أكتر الحاجات المنتشرة على جوجل بلاي.
Duolingo – بداية خفيفة لأي حد لسه بيبدأ
أول تطبيق بدأت بيه كان Duolingo، والسبب بسيط لانه بيتميز بحاجاتكتير أهمها:
- التطبيق مش بيخوفك من اللغة.
- الدروس قصيرة، أشبه بلعبة، وكل مرة تحس إنك أنجزت حاجة حتى لو صغيرة.
ليه Duolingo مناسب؟
- مناسب جدًا لـ تعلم الصينية للمبتدئين.
- بيعلمك كلمات وجُمل مستخدمة فعلًا.
- بيدربك على النطق من أول يوم.
- تقدر تستخدمه مجانًا.
هو مش هيخليك محترف، بس هيكسر رهبة البداية، ودي أهم خطوة.
HelloChinese – التطبيق اللي حسّسني إني بتعلم بجد
لو Duolingo للتشجيع في البدايه، فـ HelloChinese للتأسيس الحقيقي،التطبيق ده واضح جدًا إنه معمول مخصوص لـ تعلم اللغة الصينية من الصفر.
ايه اللي بيميز HelloChinese؟
التطبيق ده بيتميز بحاجات كتير أهمها:
- شرح الحروف الصينية (Hanzi) بطريقة ذكية أوي.
- تدريب نُطق حقيقي باستخدام المايك.
- جُمل من الحياة اليومية عشان تتعلم صح.
التطبيق مناسب لو ناوي تكمل وتتعلم بجد ،كتير من الناس بتعتبره أفضل تطبيق لتعلم اللغة الصينية، وأنا بصراحة متفق مع الرأي ده.
ChineseSkill – تعليم من غير تعقيد
لو مش بتحب الدروس الطويلة، تطبيق ChineseSkill هيعجبك،الدروس هنا بسيطة ومباشرة، مفيش فلسفة زايدة والشرح سهل وبسيط اوي هيخليك تستمتع وانت بتتعلم الصيني.
ايه هي مميزاته؟
التطبيق ده مميزاته كتير من اهمها:
- مناسب لتعلم الصينية بسهولة للمبتدئين.
- تقسيم المستويات واضح ومفيهوش صعوبة.
- التطبيق فيه تمارين كتابة واستماع كتير.
- وكمان ينفع للكبار والصغيرين لكل الأعمار.
من رأيي الشخصي هو خيار ممتاز لأي حد عاوز تطبيق تعلم الصينية مجاني ويعتمد عليه يوميًا.
LingoDeer – للي عاوز يفهم القواعد صح
تطبيق LingoDeer مختلف شوية.
هنا التركيز في التطبيق ده أكتر على القواعد، وده مهم جدًا في اللغة الصينية لانها بتعتمد علي القواعد،والتطبيق فيه شرح منظم لقواعد اللغة نُطق واضح وبطئ .
وكمان هومناسب للناس اللي بتحب الفهم العميق ،ممكن تستخدمه بدون إنترنت من رأيي لو ناوي تتعلم اللغة بشكل جاد، التطبيق ده يستاهل التجربة.
Pleco – القاموس اللي هتحتاجه طول الطريق
Pleco مش تطبيق تعليم تقليدي، لكنه أداة لا غنى عنهاعشان تعرف أي كلمة تقابلك ومش فاهمها، التطبيق يعتبر قاموس صيني قوي
وفيه ايضا خاصية بحث بالكاميرا عن أي كلمة تشوفها عشان تعرف أي كلمة جديدة تقابلك وتحفظها،وكمان بيعلمك نُطق الكلمات بشكل صحيح مفيد جدًا.
من رأيي امه تطبيق مفيد جدًا وأي شخص بيستخدم تطبيقات تعلم اللغة الصينية لازم يكون Pleco على موبايله.
Memrise – حفظ الكلمات بطريقة ذكية
لو مشكلتك الأساسية هي حفظ الكلمات، دلوقتي يخويا ابلكيشن Memrise هيحلها،التطبيق بيعتمد على خاصية التكرار الذكي وفيديوهات قصيرة لمتحدثين أصليين.
ايه هي مميزاته؟
التطبيق مفيد اوي ليك وفيه مزايا كتير اهمها:
- بيساعدك تحفظ مفردات صينية شائعة.
- بيعلمك طريقة نُطق طبيعي للحروف الصينية.
- بيعتبر مناسب جدا للمبتدئين في تعلم الصينية.
- بيطبق أسلوب ممتع في الشرح والدراسة هيخليك تذاكر وانت مرتاح ومستمتع.
بصراحة التطبيق ده ممتاز لو هدفك تعلم مفردات اللغة الصينية بسرعة.
هل ينفع تتعلم الصينية من الموبايل بس؟
الاجابة علي السؤال ده آه، ينفع وناس كتير عملت كده فعلًا،خصوصًا في المراحل الأولى من تعلم اللغة الصينية بس وانت بتتعلم أفضل نتيجة هتاخدها لما:
- تستخدم أكتر من تطبيق ومتعتمدش علي واحد بس.
- تسمع محادثات صيني يوميًا وتركز علي مخارج الحروف.
- تحاول تنطق وتغلط عادي لإن ده بيثبت اللغة عندك.
من وجهة نظري تطبيقات تعلم الصينية على جوجل بلاي بتديك الأساس بس والباقي عليك انت يصحبي بالممارسة والتكرار هتبقي جاكي شان.
نصيحة أخيرة من تجربة
من خلال تجربتي مع تعلم اللغة الصينية أهم نصيحة أقدر أقولها لك يزميلي هي إنك ما تستعجلش النتائج ابدا،اللغة الصينية محتاجة صبر واستمرارية أكتر من أي لغة تانية.
متضغطش على نفسك إنك تحفظ حروف كتير في يوم واحد أو تخلص مستويات بسرعة، الأحسن إنك تخصص وقت بسيط كل يوم، حتى لو 10 أو 15 دقيقة، وتلتزم بيه.
استخدم أكتر من تطبيق، واسمع النطق كويس، وحاول تكرر ورا الصوت حتى لو غلطت. الغلط جزء طبيعي جدًا من التعلم، ومع الوقت هتتفاجئ إنك بتفهم وتنطق أحسن من غير ما تحس.
إقرأ ايضا: أفضل تطبيقات تعلم البرمجة علي جوجل بلاي.
في النهاية تعلم اللغة الصينية من الصفر مش شئ خيالي ولا حاجة مستحيلة ،بالعكس دي حاجة سهلة لما تطبق النصايح الي قلتلك عليها.
ادخل دلوقتي علي جوجل بلاي وحمل التطبيقات اللي اتكلمنا عنها في المقال ده وهتكون بداية ممتازة جدًا ليك ،وقولي في التعليقات إيه اكتر تطبيق شايفه يستحق لقب الأفضل بالنسبة لك؟