في السنوات الأخيرة بقى تعلم البرمجة واحدة من أهم المهارات المطلوبة يخويا في سوق العمل، سواءوبقي كنت في مصر أو العالم كله.
ومع التطور الكبير في الهواتف الذكية، بقى سهل جدًا إن أي حد يبدأ تعلم البرمجة من موبايله بس ، من غير كمبيوتر ولا كورسات غالية.،وهنا ييجي دور تطبيقات تعلم البرمجة على جوجل بلاي اللي وفّرت فرص حقيقية لأي مبتدئ أو طالب أو حتى محترف يطور نفسه خطوة بخطوة.
في المقال ده يزميلي هنتكلم بالتفصيل عن أفضل تطبيقات تعلم البرمجة على Google Play، وهنوضح مميزات كل تطبيق، وأنسب استخدام ليه، وإزاي تختار التطبيق المناسب ليك حسب مستواك وهدفك.
ليه تتعلم البرمجة من تطبيقات جوجل بلاي؟
بص قبل ما ندخل في قائمة أفضل التطبيقات، لازم نجاوب على سؤال مهم مع بعضينا وهو:
ليه تطبيقات تعلم البرمجة بقت خيار ممتاز؟
السبب ببساطة إن التطبيقات الي هقولك عليها يصحبي دي بتقدّم ميزات كتير منها:
- سهولة وبساطة الاستخدام.
- فرصة التعلم في أي وقت وأي مكان براحتك.
- البرامج دي بتوفر شرح مبسط للمبتدئين.
- تقدر تمارس من عليها تمارين عملية عشان تتعلم أسرع
- تقدر تتعلم من خلالها لغات برمجة متنوعة.
كمان أغلب تطبيقات تعلم البرمجة على جوجل بلاي بتكون مناسبة للي معندوش أي خلفية سابقة، وده بيخلّيها نقطة بداية مثالية.
تطبيق SoloLearn – من أفضل تطبيقات تعلم البرمجة
يُعتبر SoloLearn واحد من أشهر وأفضل تطبيقات تعلم البرمجة على جوجل بلاي، وبيستخدمه ملايين الأشخاص حول العالم.
مميزات تطبيق SoloLearn:
التطبيق فيه مميزات كتير تقدر تفيدك في مجال تعلم البرمجة زي أنه:
- يعتبر مناسب للمبتدئين تمامًا حيث يبدأ معاك من الاول خالص يعني من الصفر.
- بيدعم لغات برمجة كتير مثل:Python _java_css_html
- بتلاقي عليه دروس قصيرة وسهلة تقدر تفهمها بسرعة.
- عليه تمارين واختبارات بعد كل درس بتخلص.
*نصيحة شخصية:لو انت لسه بتبدأ وعاوز تتعلم البرمجة خطوة خطوة من الصفر، فـ SoloLearn اختيار ممتاز، خصوصًا إنه بيعتمد على التفاعل والتطبيق العملي.
تطبيق Programming Hub – مكتبة برمجة كاملة
Programming Hub واحد من التطبيقات القوية جدًا في مجال تعلم البرمجة من الموبايل، وكمان بيقدّم محتوى منظم واحترافي.
أهم مميزات Programming Hub:
التطبيق به العديد من المزايا الي بتفيدك في مجال البرمجة مثل:
- يحتوي علي أكتر من 20 لغة برمجة.
- عليه شروحات مبسطة لكل لغة من لغات البرمجة.
- عليه أمثلة عملية وحلول الخوارزميات.
- بيتميز ان اديه واجهة استخدام سهلة وبسيطة.
*نصيحة مني ليك:التطبيق ده مفيد جدًا للي عاوز يبقى عنده مرجع شامل لتعلم البرمجة من مكان واحد.
تطبيق Mimo – تعلم البرمجة بأسلوب عصري
Mimo بيتميز بأسلوبه العصري والبسيط، وبيعتمد على التعلم السريع من خلال مهام قصيرة.
مميزات تطبيق Mimo:
البرنامج ده بيتميز عن غيره بانه:
- فبه تصميم جذاب ويفتح نفسك عشان تتعلم بسرعة.
- الدروس الي فيه قصيرة عشان متملش وانت بتتعلم.
- مناسب جدا للناس للي وقتهم محدود ومعندهمش وقت فاضي كتير يتعلموا فيه.
- بيركز على البرمجة العملية والتطبيق علي كل جزئية بتتعلمها.
*نصيحتي ليك:Mimo مناسب جدًا للي عاوز يتعلم البرمجة من الهاتف بدون تعقيد أو ملل،لو خلقك ضيق وبتزهق بسرعة صدقني ده انسب تطبيق ليك.
تطبيق Enki – تطوير مهارات البرمجة يوميًا
Enki ده بقا يقلب اخوك مش بس تطبيق لتعلم البرمجة، لكنه بردو أداة لتطوير مهاراتك البرمجية بشكل يومي.
طب ايه هي مميزات Enki:
البرنامج فيه مميزات كتير اوي زي انه:
- بيقدملك دروس يومية وموقع بشكل منسق تقدر تحدد جدول مناسب ليك بيها.
- المحتوى الي جواه منظم اوي ومرتب هيديك انطباع جامد ليه.
- بردو ده مناسب جدا للمبتدئين والمتوسطين في مجال البرمجة.
- بيركز كمان على التفكير البرمجي السليم عشان تبقي مبرمج صح مش مجرد ناسخ اكواد.
فلو هدفك إنك تطور نفسك باستمرار وتحافظ على مستواك، Enki ده بالنسبة ليك هببقي اختيار ذكي.
تطبيق Grasshopper – تعلم JavaScript بسهولة
Grasshopper هو يسطي تطبيق رسمي من Google، وبيتركز بشكل أساسي على تعليم لغة JavaScript تحديدا من دون باقي اللغات.
ليه Grasshopper مهم؟
- يعتب، مناسب جدًا للمبتدئين في تعلم الجافا سكربت.
- الشروحات الي فيه مرئية صوت وصورة عشان تفهم بشكل كويس.
- فيه كمان تمارين تفاعلية بشكل خرافي ليك.
- أسلوب الشرح فيه ممتع وجذاب أوي.
*نصيحة مني ليك يخويا :لو ناوي تدخل مجال تطوير الويب، فـ Grasshopper هيعتبر بداية قوية جدًا ليك.
تطبيق Codecademy – تعليم برمجة احترافي
Codecademy هو موقع معروف جدًا على الويب، وليه تطبيق رسمي على جوجل بلاي.
ايه هي مميزاته:
- بيقدم محتوى احترافي اوي بيخليك تبقي بيل غيتس المجال.
- فيه مسارات تعليمية كتير وطرق تختار انسب طريقة هينفع معاك.
- كمان بيحتوي علي لغات برمجة متعددة عشان تتعلمها.
- وهو مناسب للي عاوز يتعلم بشكل منظم وبطريقة شياكة.
التطبيق ده يبقي مناسب للي عنده هدف واضح وعاوز يمشي بخطة تعلم قوية وينفذها.
تطبيق Udemy – كورسات برمجة كاملة
Udemy يعتبر الموقع مش للي عاوز يتعلم برمجة بس لانه بيحتوي علي كل المجالات، لكنه واحد من أفضل المصادر لتعلم البرمجة عن طريق كورسات فيديو،وفيه نسخة تطبيق منه متاحة علي جوجل بلاي.
اهم مميزاته:
التطبيق ده بيتميز انه فيه:
- آلاف كورسات البرمجة لكل انواع اللغات الي عاوز تتعلمها.
- وفيه بردو شروحات فيديو خطوة بخطوة لتسهيل التعلم.
- يعتبرمناسب لكل المستويات الي هتبدأ منها.
- كمان بيقدم شهادات بعد الكورس عشان لو هتقدم في اي وظيفة في مجال البرمجة.
لو انت بتحب طريقة التعلم بالفيديو، Udemy هو اختيار ممتاز بالنسبة ليك.
إزاي تختار أفضل تطبيق لتعلم البرمجة؟
عشان تجازب علي السؤال ده لازم الاول تعرف انه علشان تختار التطبيق المناسب ليك، اسأل الاول نفسك الأسئلة دي:
- مستواك إيه؟هل انت مبتدئ ولا متوسط.
- عاوز تتعلم في الاول لغة إيه ودي أهم حاجة.
- وقتك الي هتخصصه في التعلم قد إيه؟
- تحب الشرح النصي ولا الفيديو؟
بناءً على إجاباتك، هتعرف تختار من بين أفضل تطبيقات تعلم البرمجة على جوجل بلاي بسهولة.
نصائح مهمة لتعلم البرمجة من الموبايل
فيه شوية حاجات لو انت مش حيلتك غير الموبايل ومعكش لابتوب تتعلم منه هي:
- ما تعتمدش على تطبيق واحد بس الأفضل تنوع مصادر تعليمك.
- حاول تطبّق عملي دايمًا علي اي حاجة تتعامها أول بأول.
- ابدأ الأول بلغة سهلة زي Python أو JavaScript وبعدين اتعلم باقي اللغات الي محتاجها براحتك.
- استمر كل يوم حتى لو 20 دقيقة صدقني هتفرق معاك اوي.
- ما تستعجلش ابدا النتايج لان البرمجة محتاج تتعلمها خطوة بخطوة كانك طالع علي سلم بيتكم.
وخليك فاكر دايما الاستمرارية أهم من السرعة،ومش مهم تتعلمها في وقت قد إيه الأهم انك تكون اتعلمت صح.
هل تطبيقات تعلم البرمجة كفاية؟
بص تطبيقات تعلم البرمجة على جوجل بلاي ممتازة كنقطة بداية،بس هي مش بديل كامل عن التطبيق العملي والمشاريع والبحث والتجربة،لكنها خطوة قوية اوي لأي شخص حابب يدخل مجال البرمجة.
إقرأ ايضا: استخدام تطبيقات الذكاء الاصطناعي في مجال الجرافيك والتصميم.
في النهاية تعلم البرمجة بقى أسهل من أي وقت فات، ومع وجود أفضل تطبيقات تعلم البرمجة على جوجل بلاي، أي شخص يقدر يبدأ من الصفر ويبني أساس قوي. سواء كنت طالب، مبتدئ، أو حتى حابب تطور نفسك، التطبيقات دي هتساعدك توصل لهدفك خطوة بخطوة.
ابدأ النهارده، واختار التطبيق المناسب ليك، وخلي البرمجة مهارة أساسية في حياتك،وقولي في التعليقات إيه التطبيق الي قررت تبدأ بيه؟